காமத்துப்பால் (Inbam)Chapter 122: பொழுதுகண்டு இரங்கல்

திருக்குறள் 1222

Thirukkural Verse 1222 — Evening Sorrow

புன்கண்ணை வாழி மருள்மாலை எம்கேள்போல் வன்கண்ண தோநின் துணை.

English Meaning

A long life to you, O dark evening! You are sightless. Is your help-mate (also) as hard-hearted as mine.

மு. வரதராசனார்

மயங்கிய மாலைப்‌பொழுதே! நீயும் எம்மைப்போல் துன்பப்படுகின்‌றாயே! உன் துணையும் எம் காதலர் போல் இரக்கம் அற்றதோ?

சாலமன் பாப்பையா

பகலும் இரவுமாய் மயங்கும் மாலைப்பொழுதே! என்னைப் போலவே நீயும் ஒளி இழந்த கண்ணோடு இருக்கிறாயே; உன் கணவரும் என் கணவரைப் போல் கொடியவரோ?

கலைஞர்

மயங்கும் மாலைப் பொழுதே! நீயும் எம்மைப் போல் துன்பப்படுகின்றாயே! எம் காதலர் போல் உன் துணையும் இரக்கம் அற்றதோ?