காமத்துப்பால் (Inbam)Chapter 71: குறிப்பறிதல்
திருக்குறள் 1085
Thirukkural Verse 1085 — Mental Distress Caused by Beauty
கூற்றமோ கண்ணோ பிணையோ மடவரல் நோக்கமிம் மூன்றும் உடைத்து.
English Meaning
Is it Yama, (a pair of) eyes or a hind ?- Are not all these three in the looks of this maid ?
தமிழ் விளக்கம் (Tamil Commentaries)
மு. வரதராசனார்
எமனோ. கண்ணோ, பெண்மானோ, இந்த இளம் பெண்ணின் பார்வை இந்த மூன்றன் தன்மையும் உடையதாக இருக்கிறது.
சாலமன் பாப்பையா
என்னை துன்புறுத்துவது எமனா? என் மேனி எங்கும் படர்வதால் கண்ணா? ஏதோ ஒரு பயம் தெரிவதால் பெண்மானா? இப்பெண்ணின் பார்வை இம்மூன்று குணங்களையும் பெற்றிருக்கிறது.
கலைஞர்
உயிர்பறிக்கும் கூற்றமோ? உறவாடும் விழியோ? மருட்சிகொள்ளும் பெண்மானோ? இளம் பெண்ணின் பார்வை இந்த மூன்று கேள்விகளையும் எழுப்புகிறதே